Pétur H. Blöndal:
Herra forseti. Ég hef aldrei skilið þessa ást framkvæmdaraðila á malbiki, sérstaklega þar sem reiknað hefur verið út að steypa getur verið ódýrari til lengri tíma. Kannski eru Íslendingar alltaf að hugsa um að koma skipunum út í næstu viku og geta ekki hugsað til lengri tíma.
Það sem mér finnst vanta alveg inn í umræðuna er að líta á hlut neytenda. Þannig eru götur í Reykjavík meira eða minna ófærar á sumrin vegna malbikunar. Allt gatnakerfið er í rúst vegna malbikunarframkvæmda. Þannig væri það ekki ef göturnar væru steyptar.