[prenta uppsett í dálka] 110. fundur, 126. lþ.
Jóhanna Sigurðardóttir (andsvar):
Herra forseti. Ég vil þakka hv. formanni allshn. viðbrögð hennar við ábendingum mínum en mér finnst tvennt vanta og ég óska eftir að hv. þm. komi í ræðustól og reyni að svara því.
Í fyrsta lagi: Telur hún eðlilegt, ef þessari rannsókn er ekki lokið að því er varðar fíkniefnabrotin, að afgreiða málið eins og hér á að gera?
Í annan stað, þar sem ég skil hv. þm. þannig að málið hafi verið rætt út frá þessari þáltill. og þessari rannsókn í allshn.: Telur hv. þm. ekki eðlilegt að málið gangi þá aftur til skoðunar milli 2. og 3. umr. þannig að nefndarmenn geti áttað sig á hvar þessi rannsókn liggur og hvort af henni sé eitthvað að frétta sem gæti verið innlegg í málið milli 2. og 3. umr.?
