Guðmundur Hallvarðsson (andsvar):
Herra forseti. Síðasti ræðumaður kom inn á þrá ungmenna eftir því að vera í heimabyggð sinni með félögum sínum. Sé litið til námsvals 16 ára nemenda sem skráðu sig til náms í framhaldsskóla haustið 1999 voru tæp 79% nemenda skráð í bóknám eða listnám. Rúm 21% skráðu sig í starfsnám og þar af tæp 7% í löggiltar iðngreinar. Málið er víðfemt. Stórkostlegur vandi blasir við íslenskum iðngreinum ef ekki verður gert eitthvað í málinu.