[prenta uppsett í dálka] 114. fundur, 126. lþ.
Lúðvík Bergvinsson:
Virðulegi forseti. Hér er lagt til að gerð verði bragarbót á þeirri tillögu eða því frv. sem liggur fyrir af hálfu ríkisstjórnarinnar. Í fyrsta lagi er komið í veg fyrir að hluti ákæruvalds sé færður til hæstv. dómsmrh. með þeirri hættu sem af því kann að hljótast. Í öðru lagi er lagt til að í tilvikum þar sem mál sem eru fyrnd eru endurupptekin sé ekki um að ræða beina lögreglurannsókn því það felur í sér ákveðinn sakaráburð. Því leggjum við til að hér sé opnað á að mál séu endurupptekin en um leið tryggt að slíkir vankantar á þeirri málsmeðferð séu ekki til staðar. Því segi ég já, virðulegi forseti.
