[prenta uppsett í dálka] 116. fundur, 126. lþ.
Lúðvík Bergvinsson (andsvar):
Virðulegi forseti. Ekkert í lagaumhverfinu hefur breyst frá því að hv. þm. gaf út þessa yfirlýsingu til dagsins í dag.
Af því hv. þm. vitnaði til Microsoft-ástands er rétt að halda því til haga að bandarísku samkeppnislögin, bandarísku eftirlitsaðilarnir, eru miklum mun þróaðri, þroskaðri, hafa betri möguleika á því að vinna samkeppni framgang en nokkurn tímann hér. Af því þetta Microsoft-ástand verður til í því lagaumhverfi og við erum að tala hér um allt annað og veikara lagaumhverfi spyr ég: Hvernig í veröldinni getur hv. þm. sett allt sitt traust á það að löggjöf okkar sem er um margt veik takist það sem bandarísku löggjöfinni tókst ekki?
