[prenta uppsett í dálka] 116. fundur, 126. lþ.
Jón Bjarnason (andsvar):
Herra forseti. Hv. þm. finnst greinilega allt í lagi að flokka þjóðina og ber fyrir sig einhverjum alþjóðlegum stöðlum í því sambandi.
Ég legg áherslu á að Ísland sé allt eitt þjónustusvæði og þegar um alþjónustu er að ræða eigi ekki að vera að velta fyrir sér hvort þjónustan sé dýrari á Þórshöfn á Langanesi eða á Kópavogshálsinum. Það er sama fólkið, sömu Íslendingarnir, sem búa þar og þjónustan sem á að veita á landsvísu eigi að flokkast sem slík og það sé óheimilt að flokka hana eftir landsvæðum eða öðru slíku. Það eru sömu Íslendingarnir hvort sem þeir búa á Snæfellsnesi eða í Kópavogi.
