Ögmundur Jónasson:
Herra forseti. Ég þakka fyrir þessar upplýsingar. Þá vil ég vekja athygli á því að boðað hefur verið til þingfundar í fyrramálið kl. 10 en jafnframt hefur verið boðað til fundar í samgn. þingsins kl. 10, á sama tíma. Fjórir dagskrárliðir eru á dagskrá. Fjalla á um frumvörp sem eru yfirgripsmikil og gestir hafa verið boðaðir á fund nefndarinnar. Ég vil beina þeirri spurningu til hæstv. forseta hvor kosturinn verður valinn, að fresta þingfundi eða fundi samgn.