Jóhanna Sigurðardóttir:
Herra forseti. Þessi málsgrein fjallar um það að starfandi sparisjóðum verður veitt heimild til að breyta rekstrarformi sínu í hlutafélag. Þingmenn Samfylkingarinnar eru því hlynntir enda er mikilvægt að sparisjóðirnir hafi þennan möguleika samfara miklum breytingum sem orðið hafa á fjármálamarkaðnum. Hins vegar eru verulegir annmarkar á aðferðinni og útfærslunni við þessa breytingu sem fram koma í seinni mgr. 3. gr. og við munum því sitja hjá við þær málsgreinar. En við flytjum sérstaka brtt. sem kemur til atkvæðagreiðslu síðar á þessum fundi og felur einmitt í sér það sem við höfum gagnrýnt út frá viðskiptalegum sjónarmiðum og almannahagsmunum að núverandi stofnfjáreigendur fá mikil völd í krafti tiltölulega lítils eignarhluta. Um það flytjum við brtt., ásamt fleirum síðar á þessum fundi, sem lúta skattalegri meðferð að því er varðar framlög stofnfjáreigenda og fleiri atriði að því er varðar skattalega meðferð. Ég segi já.