Össur Skarphéðinsson (andsvar):
Herra forseti. Það hefur mjög verið til baga í þessari deilu hversu loðin svör hæstv. sjútvrh. og forsrh. hafa verið. Hér kem ég og spyr einfaldrar spurningar: Ef sjómenn kjósa að fresta verkfallinu til að freista þess að ná samningum enn einu sinni við útgerðarmenn verður frv. þá dregið til baka? Það kemur í ljós að hæstv. sjútvrh. er ekki reiðubúinn til þess að svara því játandi. Getur verið að hæstv. sjútvrh., fyrir hönd útvegsmanna og ríkisstjórnarinnar, ætli sér samt sem áður að knýja í gegn lög sem banna sjómönnum að ganga til frjálsra samninga í fjögur og hálft ár? Er það það sem vakir fyrir þessum herrum?