[prenta uppsett í dálka] 123. fundur, 126. lþ.
Jóhann Ársælsson:
Hæstv. forseti. Enn ein aðför stjórnvalda að félagslegum réttindum sjómanna er nú gerð. Enn á ný blanda stjórnvöld sér í samningamál sjómanna og útvegsmanna um kaup og kjör. Við meðferð málsins hefur orðið ljóst að grundvöllur þeirrar lagasetningar sem á að fara hér fram var fenginn með þríhliða viðræðum milli Vélstjórafélags Íslands, Landssambands íslenskra útvegsmanna og fulltrúa ríkisstjórnarinnar. Hér á síðan að þröngva þessari niðurstöðu upp á önnur samtök sjómanna. Slíkt er óhæfa. Samfylkingin mótmælir þessu. Ég greiði atkvæði gegn 1. gr. þessa frv.
