[prenta uppsett í dálka] 125. fundur, 126. lþ.
Steingrímur J. Sigfússon:
Herra forseti. Hér er ekki verið að setja lög. Hér er verið að setja ólög. Ég mótmæli vinnubrögðum ríkisstjórnar Davíðs Oddssonar og ég mótmæli framgöngu hæstv. sjútvrh. Árna M. Mathiesens í þessu máli. Ég mótmæli bæði vinnubrögðunum og ég mótmæli efni þess máls sem hér er á ferðinni.
Ég lýsi allri ábyrgð á hendur ríkisstjórninni og meiri hluta hennar, þeim hluta hans sem ætlar að greiða þessu frv. atkvæði sitt, á þeim mannréttindabrotum og þeirri valdníðslu sem hér á að eiga sér stað. Sérstaklega mótmæli ég því að aðilar sem ekki hafa komið að þessari deilu skuli samt sviptir grundvallarmannréttindum, stjórnarskrárbundnum, lögvörðum og samningsbundnum mannréttindum með þeim hætti sem hér á að fara að gera. Það er mikil óhæfa, herra forseti. Ég segi nei.
