Hjálmar Árnason:
Herra forseti. Deilur útgerðarmanna og sjómanna eru í slíkum hnút að ekki einu sinni ríkissáttasemjari treystir sér til þess að leggja fram málamiðlunartillögu. Með samþykkt þessa frv. er verið að bregðast við pattstöðu í samskiptum útgerðarmanna og sjómanna. Með samþykkt frv. er verið að höggva á hnút og koma í veg fyrir gjaldþrot margra heimila og fyrirtækja. Með samþykkt frv. er verið að koma í veg fyrir efnahagslegt öngþveiti á Íslandi og þess vegna segi ég já.