[prenta uppsett í dálka] 125. fundur, 126. lþ.
Félagsmálaráðherra (Páll Pétursson):
Herra forseti. Auðvitað er alltaf hreinn neyðarkostur að setja niður kjaradeilur með gerðardómi en þessi deila hefur staðið lengi, verkfall og verkbann á sjöundu viku. Þar sem engar líkur voru á að deiluaðilar næðu saman í fyrirsjáanlegri framtíð hefði það verið ábyrgðarleysi af stjórnvöldum að láta deiluna áfram afskiptalausa.
Ég tel að þessi lausn samrýmist þeim alþjóðasamningum sem við erum aðilar að. Því segi ég já.
