Þorgerður K. Gunnarsdóttir (andsvar):
Herra forseti. Ég held að málið í heild sé alveg á tæru. Það er verið að heimila að selja allan eignarhluta ríkisins í Landssíma Íslands.
En eins og ég kom inn á áðan tel ég mun heppilegra að gefin verði út skýr fyrirmæli um hvernig eigi að selja hin 51%. Ég held að búið sé að koma þeim skilaboðum á framfæri. Ég hef þessa skoðun. Aðrir hafa kannski aðra skoðun. Það er hægt að benda á að verðbréfamiðlaðar, sérfræðingar geta kannski bent mér á haldbetri rök. En ég mun ítreka þessa skoðun mína á fleiri stöðum en einungis hér.