[prenta uppsett í dálka] 128. fundur, 126. lþ.
Jóhanna Sigurðardóttir:
Herra forseti. Þingmenn Samfylkingarinnar hafa flutt fjölmargar tillögur sem miða allar að því að eðlilega verði staðið að sölu á bönkunum miðað við núverandi markaðsaðstæður. Einnig höfum við mælt fyrir því að þjóðin fái hámarksverð fyrir þessa eign sína og komið verði í veg fyrir einokun og markaðsráðandi stöðu í bankakerfinu. Þessar tillögur hafa allar verið felldar, m.a. þær sem miðuðu að því að tryggja starfsöryggi starfsmanna.
Í þeim búningi sem málið er nú treysta þingmenn Samfylkingarinnar sér ekki til þess að styðja það og sitja hjá við lokaafgreiðslu málsins.
