[prenta uppsett í dálka] 129. fundur, 126. lþ.
Steingrímur J. Sigfússon:
Herra forseti. Það væri sök sér að styðja það að Vestfirðingar gætu gert skipulagsbreytingar í orkufyrirtækjum sínum og þau sveitarfélög sem kynnu að óska þess að losa þar um eignir ef þau fengju að gera það á eðlilegum og hlutlausum forsendum, en það stendur ekki til heldur er ósvífnin þvílík af hálfu ríkisstjórnarinnar að það á að sæta færis og notfæra sér bágar aðstæður sveitarfélaga á Vestfjörðum til að skilyrða kaup ríkisins á þessu fyrirtæki því að tilteknar skuldir sveitarfélaganna við ríkið verði gerðar upp.
Þetta eru þvingunar- og afarkostir, herra forseti, sem eru ekki sæmandi og það er langt síðan, herra forseti, að ég tel að maður hafi séð svona lúalega neytt aflsmunar í samskiptum aðila eins og ríkið ætlar hér að gera gagnvart bágstöddum sveitarfélögum á Vestfjörðum. Ég segi nei.
