[prenta uppsett í dálka] 129. fundur, 126. lþ.
Þorgerður K. Gunnarsdóttir (andsvar):
Herra forseti. Það er mikill misskilningur að ég hafi sagt að það væri allt í lagi að Vestmannaeyjar fengju þetta fjármagn ef Hafnarfjörður fengi það líka. Ég er á öndverðri skoðun við hv. þm. Guðmund Árna Stefánsson. Ég tel að það sé ekki rétt að fara þá leið. Ég er á móti því að það sé verið að styrkja samkeppnisiðnað á Íslandi. Það eru einkaaðilar sem reka skipaiðnað í Hafnarfirði. Þeir starfrækja þar mjög góðan og merkilegan skipaiðnað en hann berst í bökkum og það er erfitt að reka slíka starfsemi.
Ég tel afar óeðlilegt að setja fjármagn frá ríkinu í þessa þurrkví í Vestmannaeyjum á þessum forsendum.
