[prenta uppsett í dálka] 129. fundur, 126. lþ.
Þuríður Backman:
Herra forseti. Eins og fram kom í dag í ræðu minni eru þær breytingar sem gerðar hafa verið á frv. allar til bóta. Samt vantar mjög mikið upp á að frv. sé á þann veg að það taki fyllilega til umhverfis- og náttúruverndarsjónarmiða. Hægt væri að koma til móts við það með því að breyta þremur greinum, 3., 5. og 7. gr. og eru brtt. við þær greinar. Ég mun styðja þessar brtt. en get því miður ekki stutt frv. í heild og vísa til þess að hér verða gerðar breytingar á lögum um mat á umverfisáhrifum næsta haust eða unnið er að því máli að koma þessu ferli, sjókvíaeldi, inn í mat á umhverfisáhrifum.
