Forseti (Guðmundur Árni Stefánsson):
Forseti vill áður en þessari umræðu er fram haldið koma á framfæri tilkynningu og leiðrétta rangfærslur sem hann gerðist sekur um hér um hádegisbil í dag. Það var vegna óska hv. þingmanna um viðveru hæstv. utanrrh. við 5. og 6. dagskrármálið. Forseta bárust þá þær upplýsingar að hæstv. utanrrh. væri erlendis. Það hefur komið á daginn að það er rangt. Rétt skal vera rétt. Hann er á landinu. Þessu vildi forseti koma á framfæri. Forseti vill alls ekki verða uppvís að því að bera þingheimi rangar upplýsingar. Þessi leiðrétting er því rétt fram komin á réttum stað.