Guðrún Ögmundsdóttir (andsvar):
Herra forseti. Það væri mjög gott ef við fengjum bráðlega að sjá og sérstaklega í vinnu hjá nefndinni hvernig þessar leiðbeinandi reglur eru. Það er mjög mikilvægt að þær komi þá fram þannig að við getum kallað eftir þeim þegar við fjöllum um málið í allshn. Eins og ég segi: Númer eitt, tvö og þrjú þarf að hafa hagsmuni barnanna í fyrirrúmi. Kannski endar það með því að valin verður sú tæknilausn sem bæði var rætt um á fundi með dómurum í Reykjavík og dómstjóri Reykjaness nefndi. Fínt, ef það leysir málin.