Dómsmálaráðherra (Sólveig Pétursdóttir) (andsvar):
Hæstv. forseti. Ég tel rétt að upplýsa það, sem ég hélt að hv. flutningsmönnum þessa frv. væri kunnugt um, að í tilkynningu dómstólaráðs nr. 2/2000, frá 28. sept., segir í lokin að skýrslutökur af börnum 14 ára og eldri fari fram í dómsal nema dómari telji heppilegt af sérstökum ástæðum, t.d. vegna þroska barns, að skýrslan verði tekin í sérútbúnu skýrslutökuherbergi í húsnæði dómstóls eða annars staðar, að skýrslutökur af yngri börnum en 14 ára fari fram í sérútbúnu skýrslutökuhergi í húsnæði dómstóls eða Barnahúsi. Dómari getur t.d. ákveðið að skýrslutaka fari fram í Barnahúsi ef fyrir liggur að barnið þurfi að gangast undir læknisrannsókn sem þar getur farið fram.
Þetta var samþykkt á fundi dómstólaráðs 28. sept. sl.