Drífa Hjartardóttir:
Herra forseti. Það hefur oft orðið einhver misskilningur á milli okkar hv. þm. Ísólfs Gylfa Pálmasonar. Ég held að ég hafi einmitt sagt í máli mínu að erfitt væri að stjórna því hvernig einkareksturinn hefur það. Mér er alveg fullkunnugt um það. Það sem ég vildi leggja áherslu á var að þegar fólki væri sagt upp störfum væri það gert af ríkri ástæðu vegna vanhæfni í starfi en ekki vegna aldurs. Ég vildi að það kæmi skýrt fram.