Jón Bjarnason:
Herra forseti. Það ber að harma að hæstv. dómsmrh. skuli ekki hafa nýtt það tækifæri sem hér gafst til þess að fjölga konum í Hæstarétti. Hæstarétti ber að vera sem bestur spegill þjóðarinnar. Við höfum líka það markmið að auka hlut kvenna í stjórnum og ráðum og sé við ráðningu í ný embætti hægt að ráða konu í stað karls með sömu hæfileika, þá ber að gera það. Ég harma þessa ákvörðun hæstv. dómsmrh. og að hún skuli ekki hafa nýtt sér þetta tækifæri.