[prenta uppsett í dálka] 13. fundur, 126. lþ.
Sjávarútvegsráðherra (Árni M. Mathiesen):
Herra forseti. Nefndin sem hér um ræðir hefur ekki verið skipuð og þar af leiðandi liggja ekki fyrir neinar niðurstöður úr starfi hennar. Nefndin mun hins vegar verða skipuð í dag og mun formaður nefndarinnar verða Ásgerður Halldórsdóttir viðskiptafræðingur og með henni í nefndinni munu starfa Hulda Lilliendahl, starfsmaður sjútvrn., og Ármann Kr. Ólafsson aðstoðarmaður.
Ég vil að lokum þakka fyrirspyrjanda fyrir að minna mig á þessa nefnd og vonast til að geta rætt þetta málefni á þessum vettvangi síðar.
