Sjávarútvegsráðherra (Árni M. Mathiesen) (andsvar):
Herra forseti. Þetta er auðvitað ákveðin nálgun á umræðunni hjá hv. þm. og ekkert við því að segja. Það kom hins vegar hér upp í umræðunni og eru rök fyrir því hjá ákveðnum þingmönnum að við eigum að taka upp annað fiskveiðistjórnarkerfi, að brottkast sé svo mikið í kerfinu eins og það er núna. Hv. þm. verður bara að afsaka það við ráðherrann þó hann reyni að svara öðrum þingmönnum líka en ekki bara honum.