Fjármálaráðherra (Geir H. Haarde):
Herra forseti. Að okkar dómi er engin sérstök ástæða til þess um þessar mundir að grípa til sérstakra ráðstafana vegna þeirrar þróunar sem orðið hefur á gengi krónunnar að undanförnu. En að sjálfsögðu getur engin ríkisstjórn, hvorki þessi né önnur, útilokað sérstakar aðgerðir af slíku tilefni síðar meir en tilefnið er ekki fyrir hendi í dag að mínum dómi.