Félagsmálaráðherra (Páll Pétursson) (andsvar):
Herra forseti. Ég ætla nú ekki að fara að dæma eða hæla sveitarstjórnarmönnum í Hafnarfirði, (GÁS: Þú gerðir það áðan.) hvorki í nútíð né í fortíð. Ég var einungis að vitna til þess hvað þeir láta frá sér fara. En þurfi hv. þm. Guðmundur Árni Stefánsson að greiða 50 þús. kr. í hækkun á útsvari vegna þessara aðgerða þegar þær eru að fullu komnar fram þá hefur hann líka 8 milljónir í tekjur og ég sé ekkert eftir honum að greiða þessi 50 þúsund.