Jón Bjarnason (andsvar):
Herra forseti. Ég fagna þeim orðum hæstv. félmrh. um að hann ætli ekki að láta hér við sitja. En ég vil líka minna á að hæstv. ráðherra hefur sagt viðlíka líklega síðustu tvö ár og þess vegna bara leyfi ég mér að spyrja: Er einhver von til þess að nú sé meira að marka vilja hæstv. ráðherra, að hann nái fram að ganga þannig að þetta réttlætismál verði í rauninni virt en ekki bara fallegar og góðar meiningar hæstv. ráðherra hér á þingi og svo punktur og basta?