[prenta uppsett í dálka] 23. fundur, 126. lþ.
Sjávarútvegsráðherra (Árni M. Mathiesen) (andsvar):
Herra forseti. Laun eftirlitsmanna eru allt önnur en laun sjómanna. Þeir eru að sjálfsögðu á hlutaskiptakerfi en veiðieftirlitsmenn eru á föstum launum. Inni í þeirri tölu eru því laun þeirra og kostnaður við veruna um borð og að koma þeim á staðinn og þar fram eftir götunum. Ég reikna með að fæðiskostnaður sé innifalinn í þeim kostnaði líka. Þó get ég ekki fullyrt um það nákvæmlega hér en sjálfsagt verður hægt að fá ítarlegri upplýsingar um það til að kynna fyrir hv. sjútvn.
