Þórunn Sveinbjarnardóttir (um atkvæðagreiðslu):
Herra forseti. Sú skýrslubeiðni sem hér er til afgreiðslu var samþykkt á 125. löggjafarþingi en óafgreidd. Skýrslubeiðendum er ljóst að gagnasöfnun um svo viðkvæmt mál er vandasamt og tímafrekt verk og allt kapp er lagt á að faglega sé að verki staðið. Þess er vænst að skýrslan megi líta dagsins ljós næsta haust eða haustið 2001.
Ég kem hér upp til að skýra þetta og leggja áherslu á það að efnið er með þeim hætti að bíða þarf enn um sinn eftir skýrslunni.