[prenta uppsett í dálka] 30. fundur, 126. lþ.
Drífa Hjartardóttir:
Herra forseti. Mörg og mjög alvarleg umferðarslys hafa orðið á þessu ári sem ættu að verða okkur öllum áminning um að haga okkur betur í umferðinni. Það er áberandi mikið agaleysi og of mikill hraði, ekki eru gefin stefnuljós þannig að virðingin gagnvart öðrum er afskaplega takmörkuð. Það eru allt of margir óábyrgir í umferðinni og verðum við öll að taka á þessu.
Mörg slys hafa orðið vegna þess að lausaganga búfjár er ekki alls staðar bönnuð. Ég held að kominn sé tími til að lausaganga búfjár verði bönnuð alls staðar á landinu, ekki bara í sumum sveitarfélögum heldur í öllum.
