[prenta uppsett í dálka] 34. fundur, 126. lþ.
Heilbrigðisráðherra (Ingibjörg Pálmadóttir):
Virðulegi forseti. Bæklunaraðgerðum á sjúkrahúsinu á Akureyri hefur stórfjölgað á undanförnum árum og þeir sem þangað leita eru í auknum mæli af suðursvæðinu. En þegar kemur að endurhæfingunni vill fólk vera nær sínu heimili. Þess vegna hefur endurhæfingin fyrir þá sem búa á suðursvæðinu oft verið á því svæði þó aðgerðirnar hafi farið fram á Akureyri. En það er alveg hárrétt sem hv. þm. segir. Auðvitað er það byggðamál að efla þjónustuna úti á landi og það höfum við svo sannarlega verið að gera eins og ég sagði áðan. Við höfum verið að efla hana í Neskaupstað og á Sauðárkróki og nú á Blönduósi og Kristnes hefur verið að eflast mjög hvað varðar endurhæfinguna.
