Pétur H. Blöndal:
Herra forseti. Hér er lagt til að hámark útsvars verði hækkað og sjálfsákvörðunarréttur sveitarfélaganna aukinn. Ég er í sjálfu sér sammála því. En í umsögnum stærstu sveitarfélaganna og flestra sveitarfélaga kemur fram að þau ætla öll að fara í hámarkið. Þau ætla þar með í reynd að falla frá sjálfsákvörðunarrétti sínum og hyggjast leggja aukna skatta á borgara sína í stað þess að stunda sparnað eins og aðrir, bæði einstaklingar, fjölskyldur og fyrirtæki.
Ég tel að sveitarfélögin séu hér með að falla frá sjálfs\-ákvörðunarrétti sínum og tel því að ekki megi hleypa þeim svona langt í hámarkinu og segi nei.