Ásta R. Jóhannesdóttir:
Herra forseti. Í þessari brtt. er lagt til að hámark vegna vatnsgjalds verði fellt brott. Vatnsgjald er samkvæmt lögum þjónustugjald og því á álagning þess ekki að vera tiltekinn hundraðshluti af fasteignamati. Í ljós hefur komið að þessi hundraðshluti nægir ekki öllum sveitarfélögum til að standa undir kostnaði við veitta þjónustu og önnur leggja á í samræmi við þetta hámark án tillits til þess kostnaðar sem þau verða fyrir. Þar með er gjaldið orðið skattur.
Ef vatnsgjaldið á að flokkast sem þjónustugjald er eðlilegt að hámarksheimildin verði felld brott en með því munu tekjur sveitarfélaganna af vatnsgjaldi ávallt standa undir kostnaði. Ég segi já.