Sigríður Jóhannesdóttir (andsvar):
Hæstv. forseti. Það hlýtur að blasa við hæstv. fjárln. að töluverður sparnaður verður á liðnum laun framhaldsskólakennara það sem eftir er ársins. Mætti kannski nota þá peninga sem ríkið sparar þannig í eitthvað skemmtilegt, eins og að styrkja námsbókagerð fyrir grunnskóla í landinu sem er lögboðið verkefni? Ég veit ekki hvað þeir ætla að gera við þessa peninga, kannski á að byggja fleiri galdramiðstöðvar. En mér fyndist a.m.k. nærtækara að nota þá í verkefni sem er lögbundið að ríkið sinni og mikið þjóðþrifamál.