[prenta uppsett í dálka] 38. fundur, 126. lþ.
Kolbrún Halldórsdóttir:
Virðulegi forseti. Hér leggur Vinstri hreyfingin -- grænt framboð til 150 millj. kr. fjárveitingu til byggingar Náttúrufræðihúss Háskóla Íslands. Sannast sagna hefur þar ekki verið staðið sómasamlega að málum. Nú er nauðsynlegt að taka þar hressilega á ef ekki á að taka áratugi að ljúka þessari byggingu. Aðstöðuleysi háskólanema er forkastanlegt og þess vegna segja þingmenn Vinstri hreyfingarinnar -- græns framboðs já.
