Jóhanna Sigurðardóttir:
Herra forseti. Fjölmargir aldraðir og öryrkjar búa við sára neyð. Samfylkingin leggur því til að 2 milljörðum kr. verði varið til að standa straum af fyrsta áfanga sérstakrar afkomutryggingar fyrir aldraða og öyrkja en enginn einn hópur hefur verið hlunnfarinn jafnmikið í góðæri liðinna ára og þessi hópur. Þessari aðför að öldruðum og öryrkjum mótmælum við harðlega. Við í Samfylkingunni leggjum til að málefni lífeyrisþega verði sett í forgang með því að koma á sérstakri afkomutryggingu til að bæta kjör þeirra.