[prenta uppsett í dálka] 38. fundur, 126. lþ.
Steingrímur J. Sigfússon:
Herra forseti. Ég tek eftir því að þessi brtt. meiri hlutans felur í sér allmyndarlega hækkun á fjárveitingu til Hagstofu Íslands vegna þjóðskrárinnar og skráningarhalds þar. Það er spurning hvort hæstv. forsrh. gæti þá upplýst við umræðuna hvort hækkunin sé vegna fyrirhugaðs flutnings verkefna á vegum Hagstofunnar út á land. Ólafsfjörður hefur sérstaklega verið nefndur í því skyni því að við mundum auðvitað styðja með sérstakri ánægju þessa hækkun til Hagstofunnar ef svo væri.
