[prenta uppsett í dálka] 38. fundur, 126. lþ.
Kolbrún Halldórsdóttir:
Herra forseti. Íslendingar eiga aðild að samningnum um líffræðilega fjölbreytni eins og öðrum samningum sem gerðir voru í Ríó 1992. Hins vegar hafa stjórnvöld ekki sett neitt fjármagn í að hefja það starf sem nauðsynlegt er til að við getum farið eftir þessum samningi. Samt hafa þau lýst yfir í plöggum sínum að eftir honum beri að fara og hann sé mikilsverður fyrir okkur á leiðinni í átt til sjálfbærrar þróunar en það er allsendis óskiljanlegt, herra forseti, að ekki skuli ætlað neitt fjármagn í hann ár eftir ár.
Hér leggur Vinstri hreyfingin -- grænt framboð til að 20 millj. verði varið til að samningurinn um líffræðilega fjölbreytni geti öðlast gildi og við getum farið að fara eftir honum.
