Jón Bjarnason:
Herra forseti. Hér er á ferðinni alvarlegt þingmál. Hér eru gerðar tillögur um sölu á eignarhlutum í jörðum eða heilum jörðum án þess að fyrir liggi nokkur áætlun um landnýtingu ríkisins eða stefnu varðandi ríkisjarðir.
Margar af þessum jörðum eru náttúruperlur og væru betur komnar í almannaþágu en að bjóða þær hæstbjóðanda til sölu. Hér er þörf á nýrri stefnu í stað þess stefnuleysis sem hér kemur fram.