Utanríkisráðherra (Halldór Ásgrímsson):
Herra forseti. Ég mæli fyrir frv. til laga um breyting á lögum um Útflutningsráð Íslands.
Þar sem hér er um tiltölulega einfalt mál að ræða, framlengingu á markaðsgjaldi til tveggja ára til að fjármagna starfsemi ráðsins, og miklar annir eru í þinginu sé ég ekki ástæðu til að fara efnislega mikið yfir þetta mál. Það er hv. þm. kunnugt og ég vænti þess að það fái ítarlega umfjöllun í nefndinni sem fær það til meðferðar.
Ég legg til að að lokinni þessari umræðu verði málinu vísað til 2. umr. og hv. utanrmn.