Jóhanna Sigurðardóttir:
Herra forseti. Þingmenn Samfylkingarinnar og minni hluti efh.- og viðskn. munu freista þess að flytja brtt. við 3. umr. málsins til hækkunar á skattleysismörkum til að forða því að 2--3 þúsund manns í hópi námsmanna, lífeyrisþega og lágtekjufólks fari að greiða skatt á næsta ári og að allt að þriggja mánaða launahækkun launafólks sem samið var um fyrr á þessu ári hverfi í skattahækkun. Þá brtt. þarf að samþykkja ásamt þessari tillögu til þess að forða því að auka skattbyrði á láglaunafólk á næsta ári sem þessi ríkisstjórn ber alfarið ábyrgð á ef af verður. Ég segi já.