[prenta uppsett í dálka] 41. fundur, 126. lþ.
Ögmundur Jónasson:
Herra forseti. Nú hefur ríkisstjórnarmeirihlutinn fellt tillögu um að tekjuskattar á einstaklinga verði lækkaðir til samræmis við heimildir til útsvarshækkunar hjá sveitarfélögum eða um 0,99%. Nú greiðum við atkvæði um tillögu um að tekjuskattur verði lækkaður um 0,33%. Að sjálfsögðu er þetta skref í rétta átt og við styðjum það en eftir stendur að skattbyrði á launafólk er aukin. Ég vek athygli á því að frá því að frá því að staðgreiðsla var tekin upp hefur skattbyrði á einstaklinga verið hækkuð en skattbyrði á fyrirtæki lækkuð. Það er alger lágmarkskrafa að þingið samþykki í framhaldi af þessum málalyktum hækkun á persónuafslætti því að öðrum kosti mun það gerast að skattleysismörkin lækka með þeim afleiðingum að það fjölgar um rúmlega tvö þúsund manns í hópi láglaunafólks sem verður gert að greiða skatta og stjórnarandstaðan mun leggja fram tillögu í þessa veru.
