Rannveig Guðmundsdóttir (andsvar):
Herra forseti. Mig langar í upphafi umræðunnar að bera fram tvær spurningar til hæstv. ráðherra. Sú fyrri er: Í hvaða tilfelli getur Ísland verið þriðja land samkvæmt þessum samningi, þ.e. svokallað þriðja trygga land sem senda má útlending til sem leitar hælis í öðru landi og landi sem á aðild að Dyflinnarsamningnum? Sem sagt öfugt við það sem verið er að fjalla um hér þegar við erum að benda á að við getum sent fólk úr landi samkvæmt samningnum.
Hin spurningin er: Hve mörg lönd eru í dag aðilar að Dyflinnarsamningnum? Hvaða lönd umfram það sem getið er um í fylgiskjali I með samningnum?