[prenta uppsett í dálka] 45. fundur, 126. lþ.
Svanfríður Jónasdóttir:
Herra forseti. Við 2. umr. fjárlaga var felld tillaga frá fulltrúum Samfylkingarinnar um að setja meira fé til símenntunar og fjarkennslu. Mér sýnist á því sem hér hefur verið samþykkt nú þegar að menn hafi þó aðeins áttað sig á mikilvægi málsins og ber að fagna því að tillögur koma frá meiri hlutanum nú í þessa sömu veru. Og þó að ekki sé um jafnstórt skref að ræða og það sem fulltrúar Samfylkingarinnar vildu stíga, þá er hér spor í rétta átt og þess vegna greiddum við, herra forseti, atkvæði með þeim tillögum og sömuleiðis með þeirri sem næst kemur til atkvæða.
