Kristinn H. Gunnarsson (andsvar):
Herra forseti. Málið er ákaflega skýrt. Núverandi ríkisstjórn og sú sem sat á síðasta kjörtímabili hefur styrkt stöðu fjölskyldunnar mikið á undanförnum fimm árum, meira en nokkur önnur ríkisstjórn á jafnskömmum tíma, með því að hafa fulla atvinnu og tryggja vaxandi kaupmátt undanfarin fimm ár, meiri kaupmátt en verið hefur nokkru sinni á fimm ára tímabili frá því að lýðveldið var stofnað hér á landi. Með þeim hætti tryggja menn best stöðu fjölskyldunnar og barnafólks miklu fremur en með millifærsluaðgerðum.
Það staðreynd, herra forseti, að með þessu frv. munu barnabætur auknar um 2 milljarða króna. Þeirri aukningu er þannig dreift að einstæðir foreldrar fá mest. Ég veit ekki hvað hv. þm. eru að nöldra í þessari umræðu og stöðugt að reyna að draga úr gildi þessara aðgerða.