Jóhanna Sigurðardóttir:
Herra forseti. Ýmis ákvæði í þessu frv. um verðbréfaviðskipti eru vissulega til bóta. En ýmis ákvæði sem snúa sérstaklega að innherjaviðskiptum, meðferð trúnaðarupplýsinga, viðskiptum með óskráð verðbréf, framkvæmd útboða og viðskipti verðbréfafyrirtækja fyrir eigin reikning eru mörg allt of losaraleg og mun það koma fram í þessari atkvæðagreiðslu í nokkrum frumvarpsgreinum sem við munum ekki styðja eða sitja hjá við.