Ferill 190. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 506 — 190. mál.
Breytingartillögur
við frv. til l. um breyt. á skipulags- og byggingarlögum, nr. 73/1997, með síðari breytingum.
Frá meiri hluta umhverfisnefndar (ÓÖH, KPál, ÁMöl, GunnB, KF, JHall, JÁ, ÞSveinb).
1. Við 5. gr. Á eftir orðinu „deiliskipulagi“ í a-lið komi: eða breytingu á deiliskipulagi.
2. Við 7. gr. B-liður falli brott.
3. Við 13. gr. Greinin orðist svo:
1. málsl. 3. mgr. 48. gr. laganna orðast svo: Arkitektar, byggingarfræðingar, verkfræðingar, tæknifræðingar, innanhússarkitektar, landslagsarkitektar og rafiðnfræðingar er sækja um löggildingu skulu standast próf sem þriggja manna prófnefnd sérfróðra aðila annast.
4. Við 15. gr. Greinin orðist svo:
Í stað 2. tölul. 2. mgr. 51. gr. laganna koma tveir nýir töluliðir, svohljóðandi:
2. Arkitektar, byggingarverkfræðingar, byggingartæknifræðingar, byggingarfræðingar og aðrir verkfræðingar og tæknifræðingar með hliðstæða menntun á byggingarsviði.
3. Fyrirtæki og stofnanir þar sem starfar aðili sem uppfyllir skilyrði 1. eða 2. tölul., enda annist hann störf byggingarstjóra.
5. Við 19. gr. Á eftir a-lið komi nýr stafliður er orðist svo: Í stað orðanna „1. júlí 2001“ í 4. málsl. 10. tölul. kemur: 1. júlí 2002, en sækja skal um að fara á námskeið samkvæmt þessu ákvæði fyrir 1. september 2001.