Sjávarútvegsráðherra (Árni M. Mathiesen) (andsvar):
Herra forseti. Það er sjálfsagt að hlusta á stjórnarandstöðuna. En hins vegar held ég að óvissan hefði verið alveg jafnmikil þó að gildistökunni hefði verið frestað fram eftir vetrinum meðan það var vitað að verið væri að vinna að breytingum á lögunum í þá átt sem síðan varð raunin. Þar af leiðandi sé ég ekki að það hafi verið nein bót þótt farið hefði verið eftir hugmyndum og tillögum stjórnarandstöðunnar í málinu.