[prenta uppsett í dálka] 61. fundur, 127. lþ.
Sjávarútvegsráðherra (Árni M. Mathiesen) (andsvar):
Herra forseti. Þetta var ákaflega falleg ræða hjá hv. þm. Karli V. Matthíassyni. En það er eins og ég hafi heyrt hana í hvert einasta skipti sem hefur verið talað um smábátana svokölluðu sem eru ekkert svo smáir þegar allt kemur til alls. Í hvert einasta skipti sem það hefur verið réttlætt að þeir ættu að njóta einhverra sérkjara, þá hefur það alltaf verið á þeirri forsendu að þetta skipti engu máli, þeir séu svo litlir, þeir séu svo fáir og þeir veiði svo lítið. En annað hefur alltaf komið á daginn.
